On minlərlə ev dağılıb, yüz min hektardan çox kənd təsərrüfatı sahəsi məhv edilib...
Poliqon xəbər verir ki, Vyetnam hökuməti ölkəyə zərbə vuran və hələ də təsirini göstərən “Kadzhiki” tayfununun ağır nəticələri barədə məlumat yayıb. Rəsmi açıqlamaya görə, güclü yağışlar nəticəsində 7 nəfər həyatını itirib, 12 mindən çox ev dağılıb və ya zədələnib, paytaxt Hanoyun böyük hissəsi su altında qalıb.
Fəlakət nəticəsində 81,5 min hektardan çox düyü plantasiyası və 4,5 min hektar digər kənd təsərrüfatı sahəsi məhv olub. Təxminən 1,6 milyon insan elektrik enerjisiz qalıb.
Baş nazir Fam Min Çin artıq müvafiq qurumlara təcili tapşırıqlar verib. O, evlərin, nəqliyyat və enerji infrastrukturunun bərpası, itkin düşənlərin axtarışı, kənd təsərrüfatı müəssisələrinə dəymiş ziyanın minimuma endirilməsi üçün qüvvə və vasitələrin səfərbər edilməsini göstəriş edib.
Vyetnam Meteorologiya Agentliyinin proqnozuna görə, güclü yağışlar avqustun 27-də də davam edəcək. Ölkənin şimal və şimal-şərq bölgələrinin bəzi yerlərində yağıntının miqdarı 70 mm-ə qədər arta bilər. Sinoptiklər “qəfil daşqınlar və sürüşmələr” riskinin doqquz müxtəlif əyalətdə yüksək olduğunu bildiriblər.
Poliqon.info
