“Qalatasaray”ın yeni transferi İSTANBULDA

  “Qalatasaray” müdafiə xəttini gücləndirib.

Referans  xəbər verir ki, bu barədə İstanbul klubunun mətbuat xidməti məlumat yayıb.

İstanbullular “Monako”nun müdafiəçisi Vilfred Sinqonu heyətə cəlb edib. Artıq İstanbula gələn 24 yaşlı futbolçu tibbi müayinədən keçdikdən sonra “Qalatasaray”la rəsmi müqavilə imzalayacaq.

Qeyd edək ki, Vilfred ötən mövsüm “Monako”da 35 oyunda 3 qol vurub ve 3 məhsuldar ötürmə edib.