"Azərbaycan dövlət başçısının III Şuşa Qlobal Media Forumunda çıxışının və “Əl-Ərəbiyyə” telekanalına müsahibəsinin beyənlxalq müstəvidə yaratdığı rezonans, onun fikirlərinin, irəli sürdüyü ideyaların geniş müzakirəsi Prezident İlham Əliyevin qlobal arenada vizoner lider kimi qəbul edildiyini nümayiş etdirdi".
QHT.az xəbər verir ki, bu sözləri “Prioritet” Sosial İqtisadi Araşdırmalar Mərkəzi İctimai Birliyinin sədri Zaur İbrahimli bildirib. Onun sözlərinə görə, Prezident İlham Əliyev mövcud, daşlaşmış tendensiyalardan kənara çıxan, orijinal, gələcəyə yeni baxış irəli sürən fikirləri və ideyaları ilə beynəlxalq münasibətlərin yeni modelinin ideoloqlarınan biri kimi qəbul edilir:
"Azərbaycan Prezidenti çoxqütblü dünyaya keçid dövründə bu dəyişikliyi təhlükə kimi deyil, yeni çağırışlara daha adekvat cavab verən, daha inklyuziv əməkdaşlıq və dialoq, nizamın formalaşması üçün bir fürsət kimi dəyərləndirilməsinin vacibliyini ilk vurğulayanlardan oldu. Dialoq və əməkdaşlığın qarşıdurma və istismarı əvəz etdiyi, multirealizm, çoxtərəfliliyi, inklyuzivliyi təmin edən yeni qlobal nizamın formalaşması istiqamətində təşəbbüslərlə çıxış edərək, nümunələr yaradaq Prezident İlham Əliyev birgə meqaiqtisadi layihələrin inteqrasiya gücünü göstərdi".
QHT sədri həmçinin bildirib ki, bu layihələrin regionları birləşdirmək, resursları bölüşdürmək, ziddiyətləri əməkdaşlığa çevirmək, yeni regional əməkdaşlıq formatları yaratmaq potensialını əyani nümayiş etdirildi:
"Azərbaycanın Qlobal Cənub ilə Qlobal Şimal arasında dialoqu genişləndirmək və Şimal-Cənub və Şərq-Qərb dialoqlarını tamamlamaq və onlara real məzmun vermək üçün irəli sürdüyü təşəbbüslər, ideyalar, nəqliyyat-kommunikasiya, enerji layihələri yeni qlobal nizamın ilk bünövrə daşları və ruhlandırıcı nümunələridir".
