“Hollywood”un ən sevilən aktyorlarından biri olan Denzel Vaşinqton açıqlayıb ki, artıq film izləməkdən zövq almır.
Vaşinqton, rejissor Spayk Li və həmkarı Eysap Roki ilə birlikdə yer aldığı GQ videosunda uzun karyerasından sonra kinodan uzaqlaşdığını bildirib:
“Film izləməyirəm, dostum, həqiqətən izləməyirəm. Sizə dürüst danışıramsa! Kinoya getmirəm, film izləmirəm… Filmlərdən sıxıldım artıq, bəli.”
Spayk Li onun neçə filmdə rol aldığını soruşanda Vaşinqton, “Çoxdur. Deyəsən 50!”, – cavabını verib
Aktyor, 1981-ci ildə çəkilən “Carbon Copy” filmi ilə kəşf edilib və o vaxtdan bəri 50-dən çox ekran əsərində rol alıb. Vaşinqton 1989-cu ildəki “Zəfer” (Glory) filmindəki performansı ilə “Oscar” mükafatının Ən Yaxşı Köməkçi Kişi Aktyor nominasiyasını, 2001-ci ildəki “İlk Gün” (Training Day) ilə isə Ən Yaxşı Kişi Aktyor nominasiyasını qazanmışdı.
Vaşinqtonun son filmi “Highest 2” “Lowest Apple TV+”da sentyabrın 5-də yayımlanacaq. Aktyor filmdə bir musiqi imperatorunu canlandırır və özünü qaçırılma və girov cinayətlərinin ortasında tapır. Gərginlik dolu film, Akira Kurosavanın 1963-cü ildə çəkilmiş klassiki “Yüksək və Alçaq” (“Tengoku To Jigoku”) əsərinin müasir adaptasiyasıdır.
Vaşinqton karyerası boyunca çoxsaylı layihələrlə tərif almasına baxmayaraq, yaxın zamanda etdiyi açıqlamada mükafatları nəzərə alaraq rol seçmədiyini vurğulayıb: “Bu işi “Oscar” üçün etmirəm,” – deyən aktyor bu sözləri avqustun 11-də yayımlanan “Jake's Takes” proqramında açıqlayıb: “Bu işi uzun müddətdir edirəm. Qazanmamalı olduğum halda qazandığım, haqqım olduğu halda qazana bilmədiyim zamanlar oldu. Mükafatı həm insanlar, həm də Tanrı verir”.
““Oscar”lara çox əhəmiyyət vermirəm. İnsanlar mənə “Harada saxlayırsan?” deyəndə, “Digərinin yanında” cavabını verirəm. Fəxr etmirəm, sadəcə hisslərimi bölüşürəm. Son günüm gəldikdə bu “Oscar”ların mənə heç bir faydası olmayacaq”.
