BAKI, 29 avqust. TELEQRAF
Rusiya Ukraynanın paytaxtı Kiyev şəhərinə zərbələr endirib.
Teleqraf xəbər verir ki, hücum nəticəsində ölənlərin sayı artmaqda davam edir.
"Darnitski rayonundan faciəli xəbərlər gəlməyə davam edir. Artıq 22 nəfərin öldüyü məlumdur. Xilasetmə əməliyyatı davam etdirilir", - Kiyev şəhər hərbi administrasiyasının rəhbəri Timur Tkaçenko bildirib.
Onun sözlərinə görə, hücum nəticəsində 225 yaşayış evi zərər görüb. Paytaxtın bütün rayonlarında qeyri-yaşayış binalarına, qarajlara, həyətlərə və ictimai binalara zərər dəyib.
Hücumun fəsadlarının aradan qaldırılmasına təxminən 800 nəfər və 162 texnika cəlb edilib.
"Darnitski rayonundakı əsas ərazidə axtarış-xilasetmə işləri davam edir və bütün gecə davam edəcək. Hücumdan sonra əlaqə saxlaya bilmədiyimiz insanlar var. Ona görə də təəssüf ki, təsdiqlənmiş ölənlərin sayı artacaq. Artıq 4 uşağın öldüyü məlumdur, ən kiçiyi cəmi iki yaşındadır", - məlumatda deyilir.
