Cəlilabadda qardaş qardaşı bıçaqlayıb.
"Unikal" xəbər verir ki, hadisə rayonun Adnalı kəndində baş verib. Kənd sakinləri Əsgər və Nurlan Əsgərov qardaşları arasında yaranan mübahisə zamanı Əsgər Əsgərov bıçağa əl atıb. Nəticədə 1979-cu il təvəllüdlü Nurlan Əsgərov iki bıçaq xəsarəti alaraq yaralı vəziyyətdə Cəlilabad Mərkəzi Rayon Xəstəxanasına çatdırılıb.
Məlumata görə, qardaşlar arasında mübahisələr tez-tez baş verirmiş.
Faktla bağlı araşdırma aparılır.
Xəlil Əliyev
