Bakı, 2 sentyabr, AZƏRTAC
Yeni mövsümdə Azərbaycan II Liqasında mübarizə aparacaq “Xankəndi” komandası baş məşqçisi İbrahim Uzunca ilə müqavilənin müddətini uzadıb.
Bu barədə klubdan AZƏRTAC-a məlumat verilib.
Təcrübəli türkiyəli çalışdırıcı ilə 1 illik müqavilə imzalanıb.
“Xankəndi” 63 yaşlı mütəxəssisin rəhbərliyi altında ötən mövsün Region Liqasının qalibi olub.
O, indiyədək Azərbaycanda “Lokomotiv Biləcəri”, “Bakı”, “Şahdağ Quba”, “Xan Lənkəran” və “Dinamo”( Bakı ) klublarında baş məşqçi kimi fəaliyyəti göstərib. Türkiyədə isə “Adana Dəmirspor”, “Kayseri Erciyesspor”, “Pozantı Genclik”, “Kadirli Demir”, BÇ “Mimaroba” (“Küçükçekmece” SK) və “Osmaniyespor” kollektivlərini çalışdırıb.
