Putin: Məqsəd Arktikada etibarlı və təhlükəsiz dəniz marşrutlarını tam işlək vəziyyətə gətirməkdir...
Poliqon xəbər verir ki, Rusiya prezidenti Vladimir Putin Vladivostokda keçirilən Şərq İqtisadi Forumu (ŞİF) çərçivəsində Transarktik Nəqliyyat Koridorunun inkişafı ilə bağlı planlarını açıqlayıb. Onun sözlərinə görə, məqsəd yalnız Arktikada etibarlı və təhlükəsiz dəniz marşrutlarını təmin etmək deyil, eyni zamanda koridorun 24 saatlıq fəaliyyət göstərməsini təmin etməkdir.
“Hər şey vahid sistemdə işləməlidir. Yalnız Arktikada etibarlı və təhlükəsiz dəniz yollarını qurmaqla kifayətlənmirik, eyni zamanda Transarktik koridorun gündüz-gecə işləməsinə nail olmalıyıq. Bundan əlavə, sahil işləri də görüləcək — rabitə və naviqasiya sistemlərinin inkişafı, gəmilərin xidmət və xilasetmə infrastrukturu. Təbii ki, Arktika və Uzaq Şərqdə dəniz limanlarının modernizasiyası da nəzərdə tutulur”, — deyə Putin bildirib.
Prezident vurğulayıb ki, Rusiya yalnız Şimal Dəniz Marşrutuna fokuslanmır: “Biz Transarktik koridoru da nəzərə alırıq, çünki daha geniş miqyaslı strategiyalarla işləməyin vacib olduğunu başa düşdük”. Bu, ölkənin qlobal nəqliyyat və logistika imkanlarını genişləndirmək strategiyasının tərkib hissəsi kimi qiymətləndirilir.
Poliqon.info
