2026-cı il dünya çempionatının seçmə mərhələsi çərçivəsində Bakıda keçiriləcək Azərbaycan – Ukrayna görüşünün hakimləri müəyyənləşib.
90deqiqe.Az-ın məlumatına görə, matç Yunanıstandan olan ədalət təmsilçilərinə həvalə olunub. Qarşılaşmanı FIFA referisi Vassilis Fotias idarə edəcək. Ona yan xətt hakimləri Andreas Meintanas və Mixail Papadakis kömək göstərəcəklər. Dördüncü hakim funksiyasını isə Anastasios Papapetru icra edəcək.
VAR sisteminə Angelos Evangelu, AVAR-a isə Yoannis Papadopulos təyin olunublar.
Xatırladaq ki, Azərbaycan – Ukrayna oyunu sentyabrın 9-da, saat 20:00-da Tofiq Bəhramov adına Respublika Stadionunda keçiriləcək.
