Xaçmazda piyadanın ölümü ilə nəticələnən yol qəzası baş verib.
Publika.az xəbər verir ki, hadisə Xaçmaz-Quba avtomobil yolunun Yergüc kəndi ərazisindən keçən hissəsində qeydə alınıb.
Belə ki, rayon sakini 1976-cı il təvəllüdlü Süleymanov Sahib Mecid oğlu şadlıq sarayından toydan çıxıb evinə gedən zaman onu “Toyota-Corolla” markalı minik avtomobili vurub.
Müxtəlif dərəcəli bədən xəsarətləri alan piyada hadisə yerində ölüb.
