Olaylar.az xəbər verir ki, bu barədə TASS BMT-dəki mənbələrə istinadən məlumat yayıb.
Mənbənin sözlərinə görə, Pakistanın bu addımı atması gözlənilir və qarşılığında Aİİ-yə üzvlük məsələsində konsensus əldə olunacaq. Digər diplomatik mənbə isə prosedurların bir neçə həftədən bir neçə aya qədər çəkə biləcəyini bildirib. O, Ermənistan və Azərbaycanın sülh sazişi imzalamasının bu məsələdəki maneələri aradan qaldırdığını vurğulayıb.
Xatırladaq ki, Ermənistan və Pakistanın xarici işlər nazirləri avqustun 31-də Çində diplomatik münasibətlərin qurulmasına dair kommunike imzalayıblar. Buna qədər Pakistan Ermənistanı tanımayan yeganə dövlət idi. Bu mövqe uzun illər ərzində İslamabadın Bakıya dəstəyi ilə bağlı olub.
Bundan əvvəl Rusiya XİN rəhbəri Sergey Lavrov da iki ölkə arasında təmasların bərpasını alqışlayaraq, bunu "irəliyə doğru atılmış addım" adlandırmışdı.
