Müəllif:Mehin Qasımova,Banco.az
Texnologiya nəhəngi OpenAI “Oracle” şirkəti ilə 300 milyard dollarlıq bulud hesablama müqaviləsi imzalayıb.
Banco.az xəbər verir ki, sövdələşmə Oracle-ın "Amazon Web Services", "Microsoft Azure" və "Google Cloud" kimi rəqibləri ilə yarışdığı bulud bazarında böyük qələbəsi hesab olunur. Müqaviləyə əsasən, Oracle-ın bulud infrastrukturu beş il ərzində OpenAI-nin genişlənən əməliyyatlarını dəstəkləyəcək.
Razılaşma süni intellekt infrastrukturuna artan tələbi vurğulayır və Oracle-ı OpenAI üçün əsas bulud tərəfdaşı mövqeyinə gətirir. Wall Street Journal-ın məlumatına görə, tarixdə ən böyük razılaşmalardan biri sayılan bu müqavilə süni intellekt məlumat mərkəzi xərclərinin artdığı bir vaxtda 4,5 giqavat gücün təmin edilməsini nəzərdə tutur.
