Misli Premyer Liqasında 4-cü tur davam edir.
İdmanxeber.az xəbər verir ki, ikinci oyun günündə daha 2 matç keçiriləcək.
Əvvəlcə “İmişli” “Sumqayıt”ı qəbul edəcək. Quba Olimpiya İdman Kompleksində gerçəkləşəcək görüş saat 16:30-da başlayacaq. Qarşılaşmanı Tural Qurbanov idarə edəcək.
“Kimyaçılar” 7 xalla 3-cü pillədə qərarlaşıblar. Aran təmsilçisi isə 4 xalla 6-cıdır.
Günün ikinci oyununda “Turan Tovuz” evdə “Qəbələ” ilə üz-üzə gələcək. Saat 19:00-da start götürəcək matçın baş hakimi Cavid Cəlilov olacaq.
Tovuz klubu 6 xalla 4-cü yerdədir. Aktivində 1 xalı olan Kaxaber Tsxadadzenin komandası isə 11-cidir.
Misli Premyer Liqası
1-ci dövrə, 4-cü tur
13 sentyabr (şənbə)
16:30. “İmişli” – “Sumqayıt”
Hakimlər: Tural Qurbanov, Asiman Əzizli, Eyyub İbrahimov, Kamranbəy Rəhimov.
VAR: Elçin Məsiyev.
AVAR: Pərvin Talıbov.
Quba OİK stadionu.
19:00. “Turan Tovuz” – “Qəbələ”
Hakimlər: Cavid Cəlilov, Kamran Bayramov, Müslüm Əliyev, Emin Əliyev.
VAR: Rəvan Həmzəzadə.
AVAR: Cəmil Quliyev.
“Azersun Arena”.
