Bizim media portalından alınan məlumata görə, ain.az xəbər verir.
Uzun müddətdir ki, depressiya “xarakterin zəifliyi” və ya sadəcə olaraq emosional pozğunluq kimi qəbul edilirdi. Yeni tədqiqatlarsa sübut edir ki, bu xəstəlik beyində real dəyişiklikləri əks etdirir.Bizim.Media xəbər verir ki, MakGill Universiteti və Duqlas İnstitutundan olan Kanada alimləri ilk dəfə olaraq depressiya zamanı dəyişən beyin hüceyrələrinin spesifik növlərini müəyyən ediblər.
Tədqiqatçılar genetik tədqiqat metodlarından istifadə edərək, depressiyadan əziyyət çəkən 59, depressiya olmayan 41 nəfərin postmortem beyin nümunələrini tədqiq ediblər. Nəticədə, onlar iki növ hüceyrələrin fəaliyyətində pozuntuları müəyyən edə biliblər: əhval-ruhiyyənin və stressin tənzimlənməsi ilə əlaqəli həyəcanverici neyronlar və mikroqliya - iltihabı idarə edən hüceyrələr.
Hər iki halda bir sıra genlərin fəaliyyəti normadan fərqlənirdi ki, bu da depressiyanın sadəcə emosional vəziyyət deyil, beyində çox real dəyişikliklər olduğunu bir daha sübut edir. Bu kəşf pozğunluğun bioloji əsasları haqqında yeni anlayışlar təmin edir və daha dəqiq müalicə üsullarının işlənib hazırlanmasına yol açır.Növbəti addım hüceyrə pozğunluqlarının sinir sisteminin fəaliyyətinə necə təsir etdiyini və onların əsasında yeni terapevtik yanaşmaların yaradılıb-yaradılmadığını anlamaqdır.Surxay Atakişiyev, Bizim.Media
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
