Pol Poqba Lionel Messinin heyranıdıır. SİA xəbər verir ki, bu barədə Poqba özü danışıb. “Həyatımda heç vaxt məğlub etdiyim futbolçudan və ya məğlub etdiyimiz komandadan üzr istəməmişəm. Amma biz DÇ-2018-də Argentinanı mübarizədən kənarlaşdıranda Lionel Messinin yanına gedib “üzr istəyirəm” dedim. Mən ondan üzr istədim, çünki o, uduzmağa layiq deyildi, o, dörd finalda məğlub oldu, milli komandadan ayrıldı və qayıtdı. Futbola çox şey verdiyi üçün belə məğlubiyyətlərə layiq deyildi. Messinin Dünya Kubokunu qazanması qeyri-adi deyil, tamamilə təbii bir şeydir. O, üç dünya çempionatına layiqdir, lakin şərait ona kömək etmədi. Leo təvazökar bir oğlandır və heç vaxt ən yaxşı olduğunu etiraf etməz. Buna görə də o, ən yaxşısıdır. Mən ona çox hörmət edirəm”, – Poqba deyib. Xatırladaq ki, Fransa DÇ-2018-in 1/8 finalında Argentinaya 4:3 hesabı ilə qalib gəlib.
