Beynəlxalq kredit reytinqi agentliyi Fitch Ratings-in Fransanın kredit reytinqini aşağı salması büdcə danışıqlarının başlanğıcında yeni baş nazir Sebastien Lekornuya təzyiqləri artırıb.
“Fitch Ratings” Fransanın uzunmüddətli kredit reytinqini sabit proqnozla “AA-”-dən “A+” səviyyəsinə endirib. Agentlik həmçinin qeyd edib ki, Fransanın dövlət borcunun ÜDM-ə nisbəti davamlı büdcə kəsirlərini əks etdirən yüksəlişdə davam edəcək.
Beynəlxalq kredit reytinq agentliyi Fitch Ratings-in proqnozuna görə, 2024-cü ildə yüzdə 113,2 olan borcun ÜDM-ə nisbəti 2027-ci ildə yüzdə 121-ə yüksələcək.Bu vəziyyət ölkənin yeni şoklara cavab vermək imkanlarını məhdudlaşdıracaq.
Fitch həmçinin qeyd edib ki, Fransada keçən ilki növbədənkənar seçkilərdən sonra üç fərqli hökumət var və siyasi qeyri-sabitlik fiskal konsolidasiya səylərini zəiflədib. Büdcə kəsirinin 2029-cu ilə qədər ÜDM-in 3 faizinə endirilməsi çətin hesab edilsə də, Lekornunun təyinatından qısa müddət sonra reytinqin aşağı salınması diqqət çəkir.
Hökumətin 2026-cı il büdcə layihəsini oktyabrın 7-dək təqdim etməsi tələb olunduğundan, yeni Baş nazir Lecornu investorların tələb etdiyi fiskal intizam tədbirlərini həyata keçirməli, eyni zamanda ideoloji cəhətdən bölünmüş üç parlament blokunun dəstəyini qazanmalı olacaq.
Bu arada, həmkarlar ittifaqlarının planlaşdırılan qənaət tədbirlərinə qarşı ümummilli tətillərə hazırlaşdıqları bildirilərkən, Lecornu vəzifəyə gəldikdən sonra verdiyi ilk açıqlamalarda sələfinin dövlət tətillərini ləğv etmək planlarını ləğv edərək, barışıq mesajı verdi. O, həmçinin bildirib ki, varlılar üçün vergi artımı müzakirəyə açıqdır.
Lecornu, artan borclanma xərcləri qarşısında büdcənin dövlət maliyyəsini "sağlam yola" salması lazım olduğunu ifadə edərək, "Növbəti büdcə mənim fikirlərimi tam əks etdirməyə bilər. Bu, demək olar ki, müəyyəndir" dedi.
