“Playboy” jurnalının Rusiyadakı keçmiş baş redaktoru Vladimir Lyaporov Rusiya Müdafiə Nazirliyi ilə müqavilə bağlayaraq, Ukraynadakı döyüş bölgəsinə gedib.
Publika.az xəbər verir ki, bu barədə “Kommersant” məlumat yayıb.
O, əvvəllər 50 milyon rubldan çox məbləğdə külli miqdarda dələduzluqda ittiham olunub. Cinayət işi üzrə icraat dayandırılıb.
Xatırladaq ki, Vladimir Lyaporov beş dələduzluq maddəsi ilə ittiham olunur. İş materiallarına görə, o, xarici şirkətlərə sərmayə qoymaq adı ilə biznes tərəfdaşlarının pullarını mənimsəyib. Hüquq-mühafizə orqanlarının əməkdaşları Lyaporovu 2024-cü ilin noyabrında həbs ediblər. 2025-ci ilin aprelində "Playboy"un keçmiş baş redaktorunun hesablarındakı təxminən 30 milyon rubl dondurulub. Elə həmin ay o, ittihamlardan biri üzrə özünü təqsirli bilib.
Qeyd edək ki, Vladimir Lyaporov 2007-2009-cu illərdə "Playboy"un baş redaktoru vəzifəsində çalışıb.
