Bakıda güclü külək və yağış yaxın günlərdə zəifləyəcək.
Sitat.info xəbər verir ki, sinoptiklərin proqnozuna görə, paytaxtda 20 və 21 sentyabrda hava küləkli və yağışlı keçəcək, lakin həftənin ikinci günündən etibarən sabitləşəcək.
Məlumata əsasən, 22–24 sentyabr tarixlərində havada nisbi sabitlik müşahidə olunacaq, əsasən buludlu, ara-sıra günəşli hava proqnozlaşdırılır. Yağıntı ehtimalı çox aşağıdır. 25–26 sentyabrdan sonra isə paytaxtda qısamüddətli yağışlar yenidən müşahidə oluna bilər, amma əvvəlki kimi güclü və intensiv olmayacaq.
Sinoptiklər vətəndaşlara xüsusilə 20 və 21 sentyabrda güclü külək və yağışla əlaqədar ehtiyatlı olmağı tövsiyə edirlər.
