Son FIFA reytinqində Azərbaycan millisi kimi, DÇ-2026-nın seçmə mərhələsindəki rəqibimiz Ukrayna yığması da geriləyib.
Sportinfo.az xəbər verir ki, ardıcıl Fransa (0:2) və Azərbaycanla (1:1) oyunlardakı uğursuz nəticə ukraynalıların 2 pillə geriləməsinə səbəb olub.
İyulda 26-cı yerə düşən komanda bu dəfə 2 millini özündən irəli buraxıb. Bunlar isə Kanada və Türkiyədir.
Maraqlıdır ki, Ukrayna yığması son iki il yarımda FIFA reytinqində ən pis göstəricisinə imza atıb. Bunda Bakıdakı qarşılaşma böyük rol oynayıb.
Millimizin DÇ-2026-nın seçmə mərhələsindəki digər rəqibləri Fransa 2-ci (1 pillə irəliləyib), İslandiya isə 74-cü (mövqeyi dəyişməyib) pillədə qərarlaşıb.
