Qəhvə bişiricilər bir çox evlərin ayrılmaz hissəsinə çevrilib. Bununla belə, bir çox insanlar qoşulu qalan qəhvə maşınının yanğın təhlükəsi yarada biləcəyini dərk etmirlər.
Bizim.Media xarici mediaya istinadla xəbər verir ki, hətta avtomatik söndürmə funksiyası olan müasir qəhvə bişiriciləri də gözlənilməz hallardan sığortalanmayıb.
Elektrik nasazlıqları həmişə intensiv istifadədən yaranmır. Bəzən qəhvə bişiricinin sadəcə şəbəkəyə qoşulu qalması belə təhlükəli vəziyyətlərə səbəb ola bilər. Nasaz termostat temperaturun gözlənilmədən yüksəlməsinə, bu isə daxili zədələnmələrə və ya daha da pisi yanğına gətirib çıxara bilər.
Məişət texnikası istehsalçıları evdən çıxarkən bütün cihazları elektrik şəbəkəsindən ayırmağı tövsiyə edirlər.
Onlar qeyd edirlər ki, bu sadə vərdiş qısaqapanmadan yaranan yanğın riskini əhəmiyyətli dərəcədə azalda bilər. (Lent.az)
Bizim.Media
