Hər yeni iOS buraxılışı eyni reaksiyanı doğurur: istifadəçilərin bir qismi yeni funksiyalardan məmnun qalır, digəri isə sistemdəki boşluqlardan şikayətlənir və əməliyyat sisteminin əvvəlki versiyasına qayıtmağın yollarını axtarmağa başlayır.
Adətən “Apple” buna imkan yaradır — buraxılışdan sonra bir-iki həftə ərzində iOS-un köhnə versiyasına qayıtmaq mümkün olur. Amma iOS 26-də şirkət istifadəçiləri bu fürsətdən məhrum etdi və buraxılışdan 7 gün sonra iOS 18.6.2-nin dəstəyini dayandırdı. Bu o deməkdir ki, bu proqram təminatı artıq kompüter vasitəsilə quraşdırıla bilməz.
İstifadəçinin seçimləri nədir?iOS 26-da boşluqların düzəlməsini gözləmək. “Apple “adətən yeniləmələri sürətlə təqdim edir. Yaxın günlərdə iOS 26.0.1 çıxmalıdır, iOS 26.1-in beta versiyası isə artıq mövcuddur. Ehtimal ki, ilk səhvlər məhz həmin versiyada düzələcək.
Liquid Glass effektini yüngülləşdirmək. Əgər iOS 26 cihazınızı əlavə yükləyirsə, interfeysi bir qədər “yüngülləşdirmək”:
1. Ayarlar → Ümumi giriş (Universal Access) bölməsini açın.
2. Görmə → Ekran və mətn ölçüsü bölməsini seçin.
3. Şəffaflığı azaldın (Reduce Transparency) funksiyasını aktiv edin.
4. Əlavə olaraq “Liquid Glass” effektini əsas ekrandan götürün. Bunun üçün “Divar kağızı” bölməsində statik foto seçməyiniz kifayətdir.
Bu addımları yerinə yetirdikdən sonra cihazınızın enerji sərfiyyatı azalacaq, interfeys isə az da olsa iOS 18-i xatırladacaq.
