ain.az bildirir, Azpolitika.az saytına əsaslanaraq.
Hindistan Rusiyanın “Su-57” qırıcı təyyarələri üzrə təklifini yenidən ciddi şəkildə nəzərdən keçirir və onları almağa daha meylli görünür.
“AzPolitika” xəbər verir ki, məlumatı “Indian Defence News” yayıb. Bildirilir ki, bu qərar ABŞ ilə yaşanan problemlər və hökumətin yerli istehsalın inkişafına verdiyi önəm fonunda gündəmə gəlib.
Məlumata görə, Hindistanın müdafiə naziri hazırda iki eskadrilya təyyarəni birbaşa zavoddan, əlavə olaraq isə 3–5 eskadrilyanı lokalizasiya və yerli yığım əsasında almaq imkanını nəzərdən keçirir. Bu halda ümumilikdə 84 təyyarə əldə edilə bilər. Hazırda bu variant Hindistan müdafiə naziri ilə müzakirə olunur.
Rusiya tərəfi Dehlinin istəklərinə uyğun olaraq texnologiyaların tam ötürülməsini, mühərriklər və ilkin proqram təminatı daxil olmaqla, təklif edir. Fransız istehsalçı “Safran” isə bu sahədə tam texnologiya transferinə hazır deyil və Hindistanda mühərrik istehsalı bazasına daxil olmağa çalışır.
Rusiyanın təklifi həmçinin Hindistanın raket silahlarının tam inteqrasiyasını nəzərdə tutur. Bu, həm Rusiya aviasiya sənayesi üçün maliyyə və istehsal imkanlarının artırılması baxımından əhəmiyyətlidir, həm də Ukraynada aparılan müharibənin dolayısı ilə dəstəklənməsi məqsədi daşıyır.
Bununla belə, Hindistan yalnız təklifin cazibədarlığı ilə kifayətlənmək niyyətində deyil. Yerli ekspertlər təyyarələrin vaxtında istehsal və tədarük imkanlarını, həmçinin mümkün sanksiyaların təsirini qiymətləndirəcəklər. Keçmişdə “Su-30”-ların istismarı zamanı sanksiyaların ciddi problemlər yaratdığı məlumdur.
Hazırda Hindistan əlavə qırıcı ehtiyacını qarşılamaq məcburiyyətindədir. Çünki yerli istehsal olan “Tejas” təyyarələrinin buraxılışı gecikir, AMCA adlı 5-ci nəsil yerli qırıcı yalnız 2030-cu illərdə xidmətə qəbul edilə bilər, köhnə sovet istehsalı “MiQ-21”lərin isə istismarı başa çatır.
“Su-57” hərçənd ABŞ-nin “F-35” və Çinin “J-20” qırıcıları səviyyəsində olmasa da, 4-cü nəsil təyyarələr üçün hələ də ciddi təhlükə hesab olunur.
Hindistanın planına görə, Fransanın “Rafale” təyyarələri orta səviyyəli döyüş rolu oynayacaq, “Su-57E” təyyarələri uzaqmənzilli hava üstünlüyü üçün nəzərdə tutulacaq, AMCA isə uzunmüddətli perspektivdə yerli həll kimi qalacaq.
Lakin yekun qərar hələ rəsmi olaraq qəbul edilməyib.
Rasim
”AzPolitika.info”
Ən son xəbərləri və yenilikləri almaq üçün ain.az saytını izləyin.
