“Live Science” xəbər verir ki, arxeoloqlar İstriyadakı evin xarabalıqlarında unikal qədim Roma xəzinəsi aşkar ediblər.
Təxminən 1900 il əvvələ aid olan tapıntı, yanğın nəticəsində məhv olmuş zəngin bir malikanənin qalıqları içərisində aşkar edilmişdir. Xəzinəyə qiymətli metallardan hazırlanmış sikkələr və zinət əşyaları daxil idi. Artefaktlar saxlandıqları taxta qutunun formasını qoruyub saxlamışdır. Rumıniya Milli Tarix Muzeyinə görə, “bina və içərisindəki tapıntılar Principate dövründə qədim qalada həyatın yenidən qurulması üçün mühüm sübutdur”.
Evin dəbdəbəli olması, əhəng daşı ilə üzlənməsi və divarlarının suvaq olması onun sahiblərinin yüksək sosial statusundan xəbər verirdi. Artefaktlar şərti olaraq bizim eranın II-III əsrlərinə, Roma İmperiyasının çiçəklənmə dövrünə aid edilir. İndi əşyalar diqqətlə öyrəniləcək, sonra muzeydə nümayiş etdirilməzdən əvvəl bərpa və konservasiyadan keçəcək.
