AzVision.az xəbər verir ki, Fransa prezidenti Emmanuel Makron“France 24” telekanalına müsahibəsində belə deyib.
“Yeni təxribatlar olarsa, bir az da sərt cavab verməliyik. Amma “yoxlamalar”dan söhbət gedirsə biz atəş açmamalıyıq”, - Fransa prezidenti Rusiya təyyarələrinin onların hava məkanını pozması halında alyans ölkələrinin necə davranması sualını şərh edib.
Onun sözlərinə görə, Rusiya PUA-ları sentyabrın 10-u və 14-də müvafiq qaydada Polşa və Rumıniyanın hava məkanını pozub. Makronhəmçinin üç Rusiya qırıcısını sentyabrın 19-da Estoniyanın hava məkanını pozmaqda ittiham edib. Fransa prezidentinin fikrincə, NATO üzv dövlətlərin iclasını çağırmaqla və“müdafiə mövqeyini gücləndirməklə”bu hadisələrə“proporsional cavab verib”.
Polşanın baş naziri Donald Tuskun təklif etdiyi kimi, bu ölkənin öz ərazisi üzərində hava hədəflərini vurmağa başlayacağı təqdirdə Parisin Varşavanı dəstəkləməyə hazır olması barədəsualın cavabında Fransa lideri bildirib ki, bu, gələcəkdə baş verə biləcək mümkün pozuntulara aiddir.
Makron qeyd edib ki, cavab mütənasib olmalıdır. Eyni zamanda Fransa lideri hipotetik ssenarilər haqqında təfərrüatlara varmaqdan imtina edərək, “çox proqnozlaşdırıla bilən”olmaq istəmədiyini deyib.
Sahil İsgəndərov
AzVision.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
