NATO Adriatik dənizində “Neptun zərbəsi” hərbi təlimlərinə başlayıb.
Reyting.az xəbər verir ki, NATO-nun Gücləndirilmiş Sayıqlıq Fəaliyyətləri çərçivəsində bu il üçüncü dəfə keçirilən “Neptun zərbəsi” təlimində Türkiyə, İtaliya və ABŞ da daxil olmaqla, müttəfiq dövlətlərdən ümumilikdə 44 hərbi birlik iştirak edir.
Türkiyə hərbi dəniz qüvvələrinin “TCG Anadolu”, “TCG Gökova”, “TCG Gökçeada” və “TCG I. İnönü” xidmət qrupu, habelə 5 helikopter, 5 ədəd zirehli Amfibiya Hücum Vasitəsi (ZAHA), 4 tank desant gəmisi, 8 qayıq, 1 Sualtı Hücum (SAT) 1-ci dərəcəli marşat gəmisi və bir Piyada batalyonu təlimlərdə baş rol alır.
Təlimin mətbuat günü tədbiri çərçivəsində bir qrup mətbuat mənsubunu “TCG Anadolu” gəmisində qəbul ediblər. Təlimdə iştirak edən müttəfiq gəmilər bu gün mətbuat günü üçün birgə keçid təlimi keçirib.
Türkiyənin NATO öhdəlikləri çərçivəsində iyulun 1-dən NATO Müttəfiq Cavab Qüvvələri, Amfibiya İşçi Qrupu və Desant Qüvvələri Komandanlığına komandanlıq edən Amfibiya İşçi Qrupunun (CATF) komandiri, kontr-admiral Mövlud Savaş Bilican aşağıdakı qiymətləndirməni edib:
“İlk növbədə, NATO-nun “Neptun zərbəsi” təlimi NATO-nun gücləndirilmiş sayıqlıq fəaliyyətləri üçün keçirdiyi təlimlərdən biridir. NATO bunları “Genişləndirilmiş Sayıqlıq Fəaliyyətləri” adlandırır. Ona görə də bu təlimdə iştirak etmək bizim üçün həm digər ölkələrlə qarşılıqlı fəaliyyət qabiliyyətimizi artırmaq, həm də ölkəmizin imkanlarını nümayiş etdirmək baxımından son dərəcə vacibdir”.
ELÇİN
