1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gürcüstan hakimiyyəti oktyabr ayında keçmiş prezident Mixail Saakaşvilinin təsis etdiyi müxalif "Vahid milli hərəkat" partiyasının, eləcə də bu partiyanın fikir və siyasətini bölüşən digər siyasi birliklərin fəaliyyətinin qadağan edilməsi üçün Konstitusiya Məhkəməsində iddia qaldırmağı planlaşdırır.
Oxu.Az-ın TASS-a istinadən xəbərinə görə, bu barədə jurnalistlərə Gürcüstanın Baş naziri İrakli Kobaxidze məlumat verib.
"Çox güman ki, oktyabrda "Vahid milli hərəkat"ın fikir və siyasətini bölüşən bütün partiyaların konstitusiyaya zidd olduğunu elan etmək üçün məhkəmədə iddia qaldıracağıq. Bu, demokratik prosesdir və iddia mütləq şəkildə Konstitusiya Məhkəməsinə veriləcək", - deyə Kobaxidze bildirib.
Gürcüstan hökumətinin başçısı qeyd edib ki, Saakaşvili dövründəki cinayətləri araşdıran müvəqqəti parlament komissiyasının rəyi iddianın verilməsi üçün əsas olacaq.
