BAKI, 27 sentyabr. TELEQRAF
Ukrayna payız aylarında İsraildən iki "Patriot" hava hücumundan müdafiə sistemi alacaq.
Teleqraf xəbər verir ki, bunu jurnalistlərə Ukrayna Prezidenti Volodimir Zelenski deyib.
"İsrail istehsalı HHM sistemi Ukraynada bir aydır fəaliyyət göstərir. Biz payızda daha iki "Patriot" HHM sistemi alacağıq", - Zelenski brifinqdə jurnalistlərə bildirib.
Zelenski həmçinin Kiyevin Vaşinqtondan 90 milyard dollar dəyərində silah almasına dair ABŞ ilə mövcud razılaşmaya əlavə olaraq, ayrı-ayrı silah növləri, o cümlədən uzaqmənzilli silahlar üçün ayrıca saziş bağlamağa hazır olduğunu bildirib.
