İran prezidenti Məsud Pezeşkian müsahibəsi zamanı “Fox News” telekanalının aparıcısı Marta Makkallumu İslam Respublikasına səfərə dəvət edib ki, orada qadınların hüquqlarına necə riayət edildiyini öyrənsin.
"Hesab edirəm ki, İrana səfər etmək sizin üçün əla olardı, çünki İran haqqında sizə göstərilənlər, kəşfiyyat agentliklərinin və başqalarının dedikləri İranın gündəlik həyatından tamamilə uzaqdır", - siyasətçi bildirib.
Pezeşkian vurğulayıb ki, respublikada qadınlar azadlıqlardan məhrum deyillər. Konkret olaraq o qeyd edib ki, hazırda İran hökumətində və administrasiyasında beş qadın çalışır.
2024-cü ilin noyabrında İranın Fəzilətin Təbliği və Pisliyin Qarşısının Alınması Qərargahının Qadın və Ailə Şöbəsinin rəhbəri Mehri Talebi Darestani, qanunun ictimai yerlərdə başlarını örtmələrini tələb etməsinə baxmayaraq, hicab taxmaqdan imtina edən qadınlar üçün Tehranda “psixoloji klinika”nın açılacağını elan etdi.
Əziz Mustafa
