GlobalInfo saytından əldə olunan məlumata görə, ain.az məlumat yayır.
“Ermənistanda Moldova ssenarisi təkrarlana bilər”.
Globalinfo.az xəbər verir ki, bunu erməni politoloq Suren Sureniants deyib.
O qeyd edib ki, Moldovada keçirilən parlament seçkiləri “demokratiya” adı altında təkpartiyalı hökumətin necə qurulacağını göstərdi:
“Prezident Maia Sandu komandası real rəqabət yolu ilə deyil, sadə bir hiylə işlətməklə qalib gəldi: cəmiyyət “qərbpərəstlər” və “rusiyapərəstlər” arasında bölündü. Hökumətə mane olan hər bir müxalifət qüvvəsi “xarici agent” damğası aldı və siyasi proseslərdən qovuldu”.
Politoloq qeyd edib ki, İrəvanda da cəmiyyətin qütbləşməsi hakimiyyət legitimliyinin yeganə mənbəyinə çevrilib:
“Müxalifətin bəziləri müstəqil siyasi gündəm yaratmaq əvəzinə, Baş nazir Nikol Paşinyanın “dəyirmanına su tökürlər”. Bu tendensiya davam edərsə, 2026-cı il parlament seçkilərində eyni Moldova ssenarisini görəcəyik.
Birincisi, hökumət “anti-Rusiya düşmənçiliyi” əsasında öz tərəfdarlarını səfərbər etməyə davam edəcək. İkincisi, onlar müxalifəti “xarici agent” və ya “beşinci kolon” kimi etiketləyəcək. Nəhayət, seçkilər azad rəqabət deyil, hakimiyyəti saxlamaq üçün alətə çevriləcək. Moldova bizim üçün açıq xəbərdarlıqdır: əgər müxalifət geniş, müstəqil, daxili gündəm formalaşdırmasa və xarici qüvvələrə arxalanmağa davam etsə, Ermənistan da eyni tələyə düşəcək”.
Əliyar Xəlil
Globalinfo.az
Sonrakı hadisələr barədə daha çox məlumat almaq üçün ain.az saytını izləyin.
