Fransa Dəniz Qüvvələri Avropa İttifaqı və Böyük Britaniyanın Rusiyaya tətbiq etdiyi sanksiyalara məruz qalan Benin bayraqlı neft tankeri “Boracay”-ı mümkün pozuntu səbəbindən saxlayıb.

Reyting.az xəbər verir ki, qaydaların pozulması şübhəsi ilə bağlı “Boracay” Brestdəki müvafiq prokurorluğa hesabat təqdim edib, hazırda istintaq aparılır.

Neft tankeri hazırda Fransanın qərbində Atlantik okeanı sahillərində, Sen-Nazer yaxınlığında lövbər salıb.

Xatırladaq ki, 2024-cü ilin oktyabrında və bu ilin fevralında Avropa İttifaqı və Böyük Britaniya tərəfindən tankrə qarşı ayrıca sanksiyalar tətbiq olunub.

Məlumdur ki, o, əvvəllər etibarlı dövlət bayrağı olmadan üzdüyünə görə Estoniya hakimiyyəti tərəfindən də saxlanılıb.

“MarineTraffic”in məlumatına görə, neft tankeri bu il sentyabrın 20-də Rusiyanın Primorsk limanını tərk edib. Baltik dənizindən keçərək Danimarka üzərindən keçib, sonra Şimal dənizinə daxil olub, La-Manş boğazından keçərək qərbə üz tutub.

2007-ci ildə inşa edilən tanker Fransanın şimal-qərbində dövrə vurduqdan sonra kursunu dəyişərək şərqə, Fransa sahillərinə doğru getdikdən sonra Fransız hərbi gəmisi tərəfindən müşayiət olunub.

Prokurorluq bildirib ki, ekipaj gəminin milliyyətinə dair sübut təqdim edə bilmədikdən və əmrlərə tabe olmadıqdan sonra araşdırma başlayıb. Aİ gəminin “qeyri-müntəzəm və riskli daşıma təcrübələrindən istifadə edərək” Rusiya neftinin və neft məhsullarının daşınmasında iştirakını bəyan edib.

E. KAMAL