Məşqçi Azər Bağırov "Kəpəz" futbol klubu ilə razılığa gəlib.
"Cebheinfo.az" xəbər verir ki, bunu "Report"a açıqlamasında mütəxəssis özü bildirib.
O, bir çox məsələlərdə razılıq əldə olunduğunu söyləyib:
"Demək olar, razılaşmışıq. Sadəcə, tam olaraq rəsmi bir şey olmadığı üçün uzun-uzadı danışa bilmərəm. İnşallah, rəsmiləşsin, hədəflərimiz barədə danışacağıq".
Qeyd edək ki, "Kəpəz" daha əvvəl baş məşqçi Adil Şükürovla vidalaşıb. Komanda Misli Premyer Liqasında keçirdiyi altı matçda məğlub olub.
Azər Bağırov 2024/25 mövsümündə də Gəncə klubunda işləyib.
"Cebheinfo.az"
