Mərakeşdə gənclərin sosial narazılığı küçələrdə qarşıdurmaya çevrilib...
Poliqon Al Jazeera yelekanalına istinadən xəbər verir ki, Mərakeşdə kütləvi gənclər etirazları artıq beşinci gecədir davam edir və zorakılıq aktlarına, həmçinin hüquq-mühafizə orqanları ilə qarşıdurmalara çevrilib. Ölkənin Daxili İşlər Nazirliyinin məlumatına görə, 400-dən çox şəxs saxlanılıb, 263 hüquq-mühafizə əməkdaşı və 23 mülki şəxs xəsarət alıb.
Etirazlar səhiyyə və təhsil sahəsində artan narazılıq fonunda baş qaldırıb, xüsusilə 2030-cu il futbol üzrə Dünya Çempionatına hazırlıq üçün milyardlarla investisiya nəzərə alınanda. Gənclər küçələrə çıxaraq “Stadionlar var, bəs xəstəxanalar haradadır?” şüarları ilə hökuməti cəmiyyətin problemlərini görməzdən gəlməkdə ittiham edirlər.
Nümayişlər, GenZ 212 adlı qeyri-rəsmi qrup tərəfindən TikTok, Instagram və Discord sosial şəbəkələrində təşkil edilir. Təşkilatçılar özlərini sülhsevər olaraq təqdim edir və zorakılıqla əlaqələrini inkar etsələr də, Aqadir, Ucda və İnezqan kimi şəhərlərdə etirazlar avtomobillərin yandırılması, bank və mağazaların talan olunması ilə müşayiət olunub.
Bu, ölkədə 2016-2017-ci illərdən bəri baş verən ən böyük etiraz dalğasıdır. Ekspertlər bildirir ki, aksiyaların arxasında yalnız sosial narazılıq deyil, həm də gənclərin gələcəyə dair dərin məyusluğu dayanır, xüsusilə bölgələrarası və iqtisadi bərabərsizlik artan fonunda.
Poliqon.info
