.png)
BAKI, 3 oktyabr. TELEQRAF
UEFA Çempionlar Liqasının əsas mərhələsinin II turunda “Qarabağ”la oyunda zədələnən Danimarka təmsilçisi “Kopenhagen”in futbolçusu Rodriqo Ueskas 2025/2026 mövsümünün sonuna qədər meydana çıxa bilməyəcək.
Teleqraf klubun rəsmi saytına istinadən xəbər verir ki, Bakıda keçirilən qarşılaşmanın 15-ci dəqiqəsində zədələnən 22 yaşlı müdafiəçini sağ dizində ciddi problem aşkarlanıb.
Rodriqonu əməliyyat və uzun reabilitasiya prosesi gözləyir. Müdafiəçinin 2026-cı il dünya çempionatını oyunlarının bir hissəsinin Meksikada təşkil olunacağı mundialı buraxma ehtimalı da istisna deyil.
Qeyd edək ki, Ueskas 2025/2026 mövsümündə bütün turnirlərdə 19 oyunda iştirak edib, 1 qol vurub və 5 məhsuldar ötürmə ilə yadda qalıb. Meksika millisində isə 3 oyuna çıxıb.
