ABŞ Senatı federal hökumətin maliyyələşdirilməsini bərpa etmək üçün hər iki tərəfin təklif etdiyi və qismən dayandırılmış iki qanun layihəsini yenidən rədd edib.
APA xəbər verir ki, Senatın iclası C-SPAN kanalı vasitəsilə yayımlanıb.
Respublikaçılar tərəfindən hazırlanan və əvvəllər Nümayəndələr Palatasında təsdiqlənən qanun layihəsi lehinə 54, əleyhinə isə 44 səs toplanıb.
Demokratlar tərəfindən təqdim edilən qanun layihəsi lehinə 46, əleyhinə isə 52 səs toplayıb.
Layihənin yuxarı palatada təsdiq üçün ən azı 60 səs lazımdır.
Beləliklə, senatorlar indiyədək ABŞ federal hökumətinin qismən bağlanmasına son qoyacaq qanun layihəsini qəbul edə bilməyiblər.
Senatın bu qanun layihələrini bazar ertəsi, oktyabrın 6-da yenidən səs verəcəyi gözlənilir.
