BAKI, 17 oktyabr. TELEQRAF
Azərbaycan Premyer Liqasında VIII tura start verilib.
Teleqraf xəbər verir ki, turun açılış oyununda “Şamaxı” “Kəpəz”i qəbul edib.
Şamaxı şəhər stadionunda təşkil olunan görüş qonaqların 4:1 hesablı qələbəsi ilə başa çatıb.
Gəncə təmsilçisinin heyətində 34 və 39-cu dəqiqələrdə Fərid Nəbiyev, 67 və 85-ci dəqiqələrdə Luis Paçu fərqlənib.
Meydan sahiblərinin yeganə qolunu 11-ci dəqiqədə Sezar Enrike vurub.
Onun komanda yoldaşı Abdullahi Şuaybu 45+1-ci dəqiqədə birbaşa qırmızı vərəqə alaraq meydandan qovulub.
Bununla da “Kəpəz” mövsümdə ilk qələbəsini qazanıb. Azər Bağırovun komadası 3 xalla 12-cidir. Ayxan Abbasovun rəhbərlik etdiyi kollektiv 9 xalla yeddincidir.
Qeyd edək ki, tura oktyabrın 19-da yekun vurulacaq.
