Azərbaycan II Liqasında 6-cı tur start götürüb.
Fanat.Az xəbər verir ki, iki günü əhatə edəcək turun açılış günündə 3 oyun keçirilib.
"Göygöl" ilə "Ağstafa Gəncləri"nin qarşılaşmasıda qollu heç-heçə qeydə alınıb.
"Kür-Araz" evdə "Quba" ilə bacarmayıb. İsmayıl Məmmədovun komandası səfərdə 3 xalı 6 qolla qazanıb.
Günün mərkəzi qarşılaşmasında lider "Qaradağ Lökbatan"la iddialılardan olan "Şəmkir" üz-üzə gəlib. Vüqar Nadirovun komandası ev oyununda çətin rəqibindən xal almağa yaxın olsa da, son saniyələrdə hakimin təyin etdiyi penaltidən buraxdığı qolla uduzub.
Qeyd edək ki, turun 3 oyunu (“Araz Saatlı” – “Xankəndi”, “Ağdaş” – “Şəki Siti”, “Şirvan” – “Dinamo”) sabah keçiriləcək.
Azərbaycan II Liqası
6-cı tur
20 oktyabr
“Göygöl” – “Ağstafa Gəncləri” 1:1
Qollar: E.Rəhimov, 87 - E.Qəhrəmanov, 77.
“Kür-Araz” – “Quba” 1:6
Qollar: Ə.İsayev, 45+1 - V.Cəfərov, 28; 32-pen; 65. S.Ağayev, 36. B.Köçərli, 67. N.Mollayev, 77.
“Şəmkir” – “Qaradağ Lökbatan” 0:1
Qol: T.Nəsibov, 90+6-pen.
