ABŞ Prezidenti Donald Tramp, 1995-ci ildə keçmiş prezident Riçard Niksonun fondu tərəfindən təsis edilmiş “Sülh memarı” mükafatına layiq görülüb.
"Operativ Məlumat Mərkəzi-OMM" xəbər verir ki, bu barədə Ağ Evin mətbuat xidməti məlumat yayıb.
Mükafat Niksonun fiquru formasında hazırlanmış heykəlcik şəklində təqdim olunub. Təqdimat mərasimi Nikson ailəsinin üzvlərinin iştirakı ilə keçirilib və mükafatı fondun direktorlar şurasının sədri Robert O'Brayen Trampa təqdim edib.
Tramp bu mükafata onun vasitəçiliyi ilə əldə olunan bir sıra atəşkəs və sülh razılaşmaları səbəbilə layiq görülüb. Açıqlamada Qəzza sülh sazişi, eləcə də Ermənistan və Azərbaycan, Hindistan və Pakistan arasında münaqişələrin həlli üzrə aparılmış danışıqlar xüsusi olaraq vurğulanır.
Qeyd edək ki, Donald Tramp Nobel Sülh Mükafatına da əsas namizədlərdən biri olub, lakin komitə fərqli bir namizədi qalib elan edib.
