“Restoran işləri ilə məşğulam, ət alıram. Görürəm ki, adam heyvanı gətirib kəsib, asıb. Yoxlama gəlir, beş-on manatını alıb, möhürünü vurub gedir. Bu realdır, sadəcə, heç kim demir. Çəkib göstərə də bilərəm. Azərbaycan Qida Təhlükəsizliyi Agentliyi yoxlayır, nə qədər yoxlaya bilir? Gücü yetirmi? İşçi personalı yetərlidirmi? Deyir ki, sənəd, sübut budur, amma real o deyil. Bu gün kiçik qəsəbədə belə 10 qəssabxana var, gündəlik heyvanlar kəsilir. Yaxşı, əti almışam və qaynatmamışamsa, heyvan dabaq xəstəsidirsə, məsuliyyəti daşıyan kimdir?”
Pravda.az xəbər verir ki, bu sözləri kulinar-texnoloq Mübariz Vəliyev “Sabaha saxlamayaq”da deyib.
“Qaydalar var, bəs icraatı necədir? Qaydaları icra edənlər yoxlanılırmı? Və onları kim yoxlayır? Heç kim”, - o bildirib.
Aytəkin Qardaşova
