Türkiyənin səhiyyə naziri Kamal Memişoğlu bütün orqanlarını bağışlayacağını açıqlayıb .
Publika.az xəbər verir ki, nazir Ankarada Bilkent Şəhər Xəstəxanasının inzibati binasında Orqan Donorluğu Həftəsi çərçivəsində keçirilən toplantıda iştirak edib. Tədbirdə çıxışı zamanı Memişoğlu bütün orqanlarını bağışladığını açıqlayıb.
O vurğuladyıb ki, ianə təkcə xeyirxah əməl deyil, həm də başqa bir insana həyat bəxş etmək imkanıdır.
Nazirin açıqlaması sosial şəbəkələrdə müxtəlif reaksiyalara səbəb olub. Bəzi istifadəçilər məmurun hərəkətini vətəndaş məsuliyyəti nümunəsi kimi qiymətləndirib, bəziləri isə belə bir qərarın İslam normalarına uyğun olmadığını bildirib.
