.jpg)
Çin, 26 oktyabrda Cənubi Çin dənizində ABŞ Hərbi Dəniz Qüvvələrinə məxsus hücum helikopteri və qırıcı təyyarəsinin qəzaya uğramasında elektron maneələrin rol oynadığına dair iddiaları rədd edib.
Çin dövlət televiziyası olan CCTV-də yayımlanan reportajda Çin hərbi ekspertlərinin qəzaların səbəbləri və internet forumlarında Çinin müdaxiləsi ilə bağlı yayılan iddialar barədə fikirləri yer alıb.
Xalq Azadlıq Ordusunun (XAO) Hərbi Hava Qüvvələri Akademiyasının tədqiqatçısı Vanq Mincji ABŞ-ın həssas məsələlərdə daxili problemləri həll etmək əvəzinə, səbəb-nəticə əlaqələrini ideoloji qərəzlə qiymətləndirməyə meylli olduğunu qeyd edib. O bildirib ki, "Elektron müdaxilə nəzəriyyəsi böyük güc rəqabəti baxımından fərziyyələr yaratmaqla qarşıdurmaya təhrik etməyə çalışır".
