Bakupost saytından alınan məlumatlara görə, ain.az xəbər verir.
Portuqaliya hüquq-mühafizə orqanları Atlantik okeanında 1,7 tondan artıq narkotik maddə daşıyan sualtı qayığı saxlayıblar.
Bakupost.az yerli KİV-ə istinadən xəbər verir ki, ölkənin Ədliyyə Polisi və Hərbi Dəniz Qüvvələrinin açıqlamasına görə, əməliyyat beynəlxalq “El Dorado” əməliyyatı çərçivəsində İngiltərə və ABŞ-ın dəstəyi ilə həyata keçirilib.Atlantik okeanında hərəkət edən qayıqda dörd nəfərin olduğu bildirilir. Onların milliyyətləri və sualtı qayığın hansı ölkədən yola düşdüyü hələ açıqlanmayıb.Əməliyyata Portuqaliya Hərbi Hava Qüvvələri, Böyük Britaniyanın Milli Cinayət Agentliyi (NCA), ABŞ-ın Narkotiklərlə Mübarizə İdarəsi (DEA) də cəlb olunub.Polis həmçinin Lissabonda yerləşən dənizdə narkotik qaçaqmalçılığı üzrə mərkəzin istintaq məlumatlarından istifadə edib. Bu mərkəz səkkiz Avropa Birliyinə üzv ölkələrin (Belçika, Fransa, Almaniya, İrlandiya, İtaliya, İspaniya, Niderland və Portuqaliya) polisi ilə əməkdaşlıq edir.Portuqaliya rəsmiləri bu əməliyyatı Latın Amerikası ilə Avropa arasında fəaliyyət göstərən beynəlxalq narkotik qaçaqmalçılığı şəbəkələrinə vurulan növbəti zərbə kimi qiymətləndiriblər.
Cavid, BakuPost
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
