Roma, 6 noyabr, AZƏRTAC
İtaliyanın Turin şəhərində minik avtomobili ilə məktəbli avtobusu toqquşub.
AZƏRTAC xəbər verir ki, qəza nəticəsində avtomobilin sürücüsü ölüb. Avtobusdakı 50 şagirddən 20-si müxtəlif dərəcəli xəsarətlər alıb. Hadisə yerinə təcili yardım maşınları, yanğınsöndürmə briqadası və helikopter cəlb olunub.
Təhlükəsizlik qüvvələri qəza ilə bağlı araşdırmalara başlayıb.
Nihad Budaqov
AZƏRTAC-ın xüsusi müxbiri
Roma
