Bu gün Azərbaycanda qısa iş günüdür.
“Yeni Sabah” xəbər verir ki, qanunvericiliyə əsasən, ölkədə bayramlardan əvvəlki iş günündə iş bir saat tez bitir.
Sabah Azərbaycanda Zəfər Günüdür. Ona görə də bu gün işdən bir saat tez çıxmaq qanunidir.
Qeyd edək ki, Əmək Məcəlləsinin 108-ci maddəsinə görə, iş günü hesab edilməyən bayramqabağı günlərdə iş gününün müddəti həftəlik iş günlərinin sayından asılı olmayaraq bir saat qısaldılır.
Məcəlləyə görə, işçiyə iş günü hesab edilməyən bayram günləri görülən işə görə əməkhaqqı ödənilir.
Bundan başqa, istirahət, səsvermə, iş günü hesab edilməyən bayram günləri və ümumxalq hüzn günü işləmiş işçinin arzusu ilə ona əməkhaqqı əvəzinə başqa istirahət günü verilə bilər.
Eyni zamanda, əməkhaqqının verilməsi günü istirahət, səsvermə, ümumxalq hüzn günü və ya iş günü hesab edilməyən bayram günlərinə təsadüf etdikdə, o bilavasitə həmin günlərdən əvvəlki gündə verilir.
Telegram kanalımız
