FÜZULİ, 8 noyabr. TELEQRAF
2023-ci ildə Böyük Qayıdışın ünvanlarından biri də Füzuli şəhəri oldu.
Teleqraf-ın Qarabağ bürosunun xəbərinə görə, bir zamanlar erməni işğalı zamanı xarabalığa çevrilən şəhər indi yenidən dirçələrək həyatın canlandığı məkana çevrilib. Artıq Füzuliyə qayıdan ailələr Zəfər Günübayramını da və öz doğma yurdunda qeyd edir.
Füzuli şəhərində Zəfər Günü münsibəti ilə keçirilən silsilə tədbirlər atəşəfşanlıqla yekunlaşıb.
Bugün Zəfər Günü ilə bağlı Füzulidə "Zəfərin Mübarək Azərbaycan" adlı konsert olub.
Kurmanqazi Uşaq Yaradıcılıq Mərkəzində şagirdlərin əl işlərindən ibarət açılan sərgiyə baxış keçirilib, həmçinin “Zəfər günü uşaqların gözü ilə" adlı ustad dərsləri təşkil edilib.
Həmçinin Zəfər Salnaməsi adlı film nümayiş olunub.
