Argentina futbolunun əfsanəsi Lionel Messi tarixə yeni nailiyyəti ilə düşüb. O, dünya futbolu tarixində 400 məhsuldar ötürmə sərhədini aşan ilk oyunçu olub.
Milli.Az xəbər verir ki, bu uğura Messi ABŞ-ın Əsas Futbol Liqası (MLS) pley-off mərhələsinin 1/8 finalında keçirilən "İnter Mayami" - "Neşvill" görüşündə çatıb.
Qarşılaşma Mayami klubunun 4:0 hesablı inamlı qələbəsi ilə yekunlaşıb. Messi həmin oyunda iki qol vurub və bir məhsuldar ötürmə ilə də yadda qalıb.
Ulduz futbolçu ən çox assisti "Barselona" forması ilə edib - 269 dəfə. Bundan əlavə, o, Argentina millisində 60, "Paris Sen-Jermen"də 34, və hazırkı klubu "İnter Mayami"də 37 məhsuldar ötürmə qeydə alıb.
Kənan
Milli.Az
