ain.az, Sportal.az portalına istinadən məlumat yayır.
"Kəpəz"in sabiq qapıçısı Rojerio Santos Sportal.az saytına müsahibə verib. Hazırda İsrail yüksək liqasında yarışan “İroni Tiberias”ın əsas qapıçısı olan portuqaliyalı Azərbaycana geri qayıtmaq ehtimalından da söz açıb.
- İsraildə işlərin necə gedir? "İroni Tiberias"ın hazırda əsas qapıçısı sənsən...
- Bəli, hər şey yaxşı gedir. Komandam üçün ən yaxşısını etməyə çalışıram. Oktyabrda İsrail çempionatının ən yaxşı qapıçısı seçilmişdim.
- İsraildə məlum vəziyyətə görə, çempionat da dayanmışdı. Həmin anlar necə keçdi? Oyunlara, məşqlərə təhlükə altında çıxırsız?
- Bura gəldiyimdən bəri heç vaxt təhlükədə olduğumu hiss etməmişəm. Məşqə və ya oyunlara maşınımda gedərkən heç bir problem hiss etmirəm.
- İsrail çempionatını Azərbaycan Premyer Liqasından fərqləndirən hansı detallar var? İsrail liqasını daha güclü hesab edirsən?
- İsrail liqası güclüdür. Üstəlik, görə biləcəyim fərqlərdən biri də odur ki, oyunlarda stadionda çoxlu azarkeş olur. Bəzən stadionda təxminən 20-30 min adam olur.
- Azərbaycan Premyer Liqası sənin üçün necə yadda qalıb? Hansı matçlar, hansı rəqiblər...
- “Sabah” və “Neftçi” iki güclü komandadır. Amma biz onlara qarşı birdən çox qələbə qazana bilmişdik. Həmin görüşləri də yaxşı xatırlayıram.
- Ümumiyyətlə, yenidən Azərbaycan çempionatında oynamaq sənin üçün realdır? Təklif gələrsə, buna müsbət yanaşarsan?
- Hazırda İsraildə özümü xoşbəxt hiss edirəm. Gələcək isə həmişə naməlumdur. Əslində, mən Azərbaycanda da həqiqətən həmişə xoşbəxt olmuşam.
- "Kəpəz"i izləyirsən? Onlar yenə sonuncu pillədədir. Səncə, vəziyyət düzələcək? Ümumiyyətlə, nəyə görə "Kəpəz"də qalmadın?
- Bəli, “Kəpəz”in matçlarına da baxıram. Təbii ki, eyni vaxtda oyunlarımız yoxdursa, belədir. İnanıram ki, "Kəpəz"in işləri daha da yaxşı olacaq.
- Sənin üçün Tiberias şəhəri maraqlıdır, yoxsa Gəncə daha maraqlı idi?
- Tiberias və Gəncə dinc, sakit şəhərlərdir. Fərq ondadır ki, burada böyük şəhərə maşınla bir saat yarım məsafədədir. Gəncədə isə Bakıya getmək təxminən 5 saat çəkir.
- Komanda yoldaşların arasında Fares Abu Akel də var. O vaxtı ilə "Qəbələ"də çıxış edib. Onunla Azərbaycan futbolu haqda danışırsız?
- Bizim Azərbaycan futbolu haqqında danışmaq imkanımız yoxdur.
Mirbağırağa
saytlarin hazirlanmasi
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
