“BeIN Sports”un İstanbulun Ayazağa bölgəsində yerləşən televiziya binasına hücum edən şəxs saxlanılıb.
Bizim.Media GDH nəşrinə istinadən xəbər verir ki, polislər həmin şəxslə yarım saata yaxın müzakirələr aparıblar.
MÖVZU İLƏ BAĞLI:
SON DƏQİQƏ: Türkiyədə silahlı şəxs televiziya binasına basqın etdi - VİDEO
Nəticədə o, silahını təhvil verərək, polis əməkdaşlarına təslim olub.
Qeyd edək ki, binaya hücum edən şəxsin həyat yoldaşının kanalda “təhlükəsizlik əməkdaşı” kimi çalışdığı bildirilir. İddialara əsasən, jurnalist Güntəkin Onay onun həyat yoldaşına qarşı təhqiramiz ifadələr səsləndirib. Bu səbəbdən o, televiziya binasına basqın edərək Güntəkin Onayın üzr istəməsini tələb edib.
Bizim.Media