Cəlilabadda baş verən qəzada 3 nəfər xəsarət alıb.
APA-nın cənub bürosunun verdiyi xəbərə görə, hadisə Ələt-Astara avtomobil yolunun 87-ci km-də qeydə alınıb.
Hərəkətdə olan "Kia" markalı nəqliyyat vasitəsi idarəetməni itirərək aşıb. Qəza nəticəsində 3 nəfər xəsarət alıb.
Yaralılar rayon xəstəxanasına hospitalizasiya olunublar.
Faktla bağlı araşdırma aparılır.
