Azertag saytından alınan məlumatlara görə, ain.az xəbər verir.
Astana, 10 noyabr, AZƏRTAC
2025-ci ilin oktyabr ayında polis orqanları ilə birgə və prokurorluğun koordinasiyası altında Astana və Almatı şəhərlərində, eləcə də doqquz əyalətdə odlu silahların qanunsuz dövriyyəsinin qarşısının alınmasına yönəlmiş bir sıra əməliyyat-axtarış tədbirləri həyata keçirilib.
AZƏRTAC Qazaxıstan Milli Təhlükəsizlik Komitəsinin mətbuat xidmətinə istinadla xəbər verir ki, əməliyyatlar nəticəsində 40 ədəd silah müsadirə olunub. Onların arasında bir piyada alovsaçanı, dörd ədəd Kalaşnikov avtomatı, on iki tapança, iyirmi üç tüfəng, beş qumbara və 800-dən çox sursat var.
Faktlarla bağlı istintaq-əməliyyat tədbirləri aparılır.
Qeyd olunur ki, Qazaxıstan Milli Təhlükəsizlik Komitəsi odlu silahların və sursatın qanunsuz dövriyyəsinə qarşı mübarizə tədbirlərini davam etdirir.
Elşən Rüstəmov
AZƏRTAC-ın xüsusi müxbiri
Astana
Ən son xəbərləri və yenilikləri almaq üçün ain.az saytını izləyin.
