Dünyanın ən varlı adamlarından biri olan Uorren Baffet ictimai həyatdan uzaqlaşıb təxminən 1,3 milyard dollar xeyriyyə fondlarına bağışlamaq niyyətindədir.
Ucnoqta.az xəbər verir ki, bu, 95 yaşlı milyarderin holdinq şirkəti "Berkshire Hathaway"ın səhmdarlarına göndərdiyi dərc olunmuş məktubda yazılıb.
Bu fondlar Baffetin övladlarına məxsus dörd fonddur: "Susan Thompson Buffett" Fondu, "Sherwood" Fondu, "Howard G. Buffett" Fondu və "NoVo" Fondu.
O, onlara 2,7 milyon "Berkshire Hathaway" səhmini bağışlayacaq. Bloomberg onların dəyərini 1,3 milyard dollar qiymətləndirir.
Bundan əlavə, milyarder artıq şirkətin illik hesabatını yazmayacaq və ya səhmdarların illik yığıncağında çıxış etməyəcək.
"Britaniyalıların dediyi kimi, mən sakit gedirəm", - Baffet qərarını şərh edib.
